सध्या गुन्ह्यांचे प्रमाण वाढत असल्याचे दिसत आहे. सोशल मीडियामुळे समाजावर अशा बातम्यांचे परिणामही विपरीत होत असतात. अशा वातावरणामुळे पालकांना आपल्या पाल्यांची चिंता वाटत असते. माणसाला कुकर्मापासून दूर ठेवण्यासाठी शिक्षेची भीती दाखविणे हा एक मार्ग आहे; मात्र यात कायद्याचा आधार घ्यावा लागत असल्याने ही प्रक्रिया किचकट आणि वेळखाऊ असते. मग दुसरा पर्याय कोणता, तर समाजातील माणसांना एकमेकांबद्दल प्रेम, आस्था वाटणे, हे शक्य होण्यासाठी भगवद्गीता हे प्रभावी मध्यम असल्याचे सांगून निवृत्त आयएएस अधिकारी शरदचंद्र बोर्डे यांनी ‘भगवद्गीता- पाल्यांसाठी व पालकांसाठी’मधून गीतेतील अध्यायांमधून सदवर्तन, सदाचार, प्रामाणिकपणा जोपासण्यासाठी मार्गदर्शन केले आहे.

यात गीतेचा श्लोक, त्याची फोड म्हणजेच श्लोकांचे संस्कृतमध्ये गद्य रूपांतर व प्रत्येक संस्कृत शब्दाखाली मराठी शब्द अशी मांडणी तीन रंगांत केली आहे. यामुळे गद्य रूपामुळे गीतेतील संस्कृत भाषेतील श्लोकही समजतात व उच्चारण्यास सोपे जाते. शिवाय पाठांतरासाठी कोणते श्लोक उपयुक्त आहे, हेही नमूद केले आहे.       

प्रकाशन : रश्मी पब्लिकेशन जळगाव
पृष्ठे : २८०
मूल्य : २५० रुपये

(हे पुस्तक ‘बुकगंगा डॉट कॉम’वरून घरपोच मागवण्यासाठी खालील लिंकवर क्लिक करा.)